கன்னியாகுமரி மாவட்டம் நாகர்கோவிலில் உள்ள கேட்ட வரம் தரும் கோட்டார் புனித சவேரியார் பேராலய பெரு விழாவின் ஒன்பதாவது நாளான நேற்று இரவு விடிய விடிய தேர் பவனி நடைபெற்றது. இதில் தேரில் உருண்டு பிரார்த்தனை செய்யும் நிகழ்சியில் ஏராளமான பெண்கள் மண்ணில் உருண்டு வழிபட்டனர். தொடர்ந்து பத்தாவது நாள் திருவிழாவான இன்று குமரி மாவட்டத்திற்கு உள்ளூர் விடுமுறை அளிக்கப்பட்டு உள்ளது.
புனித சவேரியார் 450 ஆண்டுகளுக்கு முன் இந்தியாவிற்கு வந்தார். அவர் இந்தியாவில் பல்வேறு இடங்களுக்கு சென்றாலும் அவர் தங்கி வாழ்ந்தது கன்னியாகுமரி மாவட்டம் கோட்டாரில் கி.பி. 1542 முதல் 1552 வரை உள்ள காலகட்டத்தில் கோட்டார் புனித சவேரியார் தேவாலயத்தில் பணியாற்றினார். 1552 ஆம் ஆண்டு டிசம்பர் 3 ஆம் தேதி இங்கேயே இயற்கை எய்தினார். அத்தகைய சிறப்பு வாய்ந்த இந்த தேவாலயம் பின்னர் உள்ள காலங்களில் பேராலயமாக தரம் உயர்த்தப்பட்டு உலகம் முழுவதும் பிரசித்து பெற்றது. சுற்றுலா பயணிகளும் கூட வந்து செல்லும் இந்த புனித சவேரியார் பேராலயத்தில் பெரு விழா ஆண்டு தோறும் நவம்பர் 24 ஆம் தேதி தொடங்கி டிசம்பர் 3 வரை பத்து நாட்கள் வெகு விமர்சியாக கொண்டாட்ட பட்டு வருகிறது. அந்த வகையில் கடந்த 24 ஆம் தேதி கொடியற்றதுடன் திருவிழா தொடங்கியது. ஒவ்வொரு நாளும் ஆடம்பர கூட்டு திருப்பலி, முதல் திருவிருந்து திருப்பலி, குணமளிக்கும் திருப்பலி, சிறப்பு மாலை ஆராதனை, நற்கருணை ஆசீர், மலையாள திருப்பலி உள்ளிட்ட பல்வேறு நிகழ்சிகள் நடைபெற்றது. ஒன்பதாவது நாள் திரு விழாவான நேற்று இரவு விடிய விடிய தேர் பவனி நடைபெற்றது. இதில் தேரில் உருண்டு பிரார்த்தனை செய்யும் நிகழ்சியில் ஏராளமான பெண்கள் மண்ணில் உருண்டு வழிபட்டனர். தொடர்ந்து பத்தாவது நாள் திருவிழாவான இன்று குமரி மாவட்டத்திற்கு உள்ளூர் விடுமுறை அளிக்கபட்டு உள்ளது. திருவிழாவிற்கு குமரி மாவட்டம் மட்டுமல்ல நெல்லை, துத்துக்குடி, மதுரை மற்றும் கேரளாவில் இருந்தும் பல ஆயிர கணக்கான மக்கள் வருகை தந்தனர். திருவிழாவினை முன்னிட்டு ஏராளமான போலீசார் பாதுகாப்பு பணிகளில் ஈடுபட்டு உள்ளனர்.
