சென்னை: செம்பரம்பாக்கம் ஏரி திறப்பு விழா தொடர்பாக தமிழக காங்கிரஸ் தலைவர் செல்வப்பெருந்தகை தெரிவித்த கருத்து பரபரப்பை ஏற்படுத்தியுள்ளது. விழாவில் அதிகாரிகள் சாதிய பாகுபாட்டுடன் நடந்து கொள்வதாக அவர் குற்றச்சாட்டை எழுப்பியதை திமுக மூத்த அமைச்சர் துரைமுருகன் விமர்சித்தார். செல்வப்பெருந்தகை, “எங்களுக்கு இருக்கும் கோவணமே சுயமரியாதை” எனக் கூறி கடும் பதிலளித்துள்ளார்.
சென்னை செய்தியாளர்களிடம் பேசிய அவர், “ஒரு மூத்த அமைச்சர், மாபெரும் கட்சியின் பொதுச்செயலாளர் இப்படி பேசலாமா? நான் என் தோழர்களுடன் பகிர்ந்த சொந்த கருத்தை யாரோ வீடியோ எடுத்துப் பரப்பியுள்ளனர். இதை பத்திரிகைகள் தவறாக பரப்பியது வருத்தம் அளிக்கிறது” என தெரிவித்துள்ளார்.
அவர் மேலும், “நான் 4.5 லட்சம் மக்களால் தேர்ந்தெடுக்கப்பட்ட சட்டமன்ற உறுப்பினர். என் தொகுதியின் விவரங்களை அதிகாரிகளிடம் கேட்பது என் உரிமை. தண்ணீர் திறப்புத் தகவலை ஊராட்சி தலைவர்களுக்கு முன்னதாக அறிவித்துவிடுவது மக்கள் பாதுகாப்புக்கு முக்கியம். இதற்காக நான் ஒரு வார்த்தை கேட்டதையே குற்றமாக சொல்ல முடியாது” என்று கூறியுள்ளார்.
செல்வப்பெருந்தகை, அதிகாரிகளின் பதிலைப் பற்றியும் குற்றச்சாட்டை எழுப்பினார். “சுயமரியாதையை விட்டு விட முடியுமா? அதிகாரிகள் மக்கள் பிரதிநிதியை முன்னிலைப்படுத்தாமல் செயல்படும் நிகழ்வு ஏற்க முடியாது. நான் எப்போதும் வரம்பை மீறி பேச மாட்டேன். ஆனால் என் உரிமையை கேட்கும் வாய்ப்பு மறுக்கப்படுகின்றது” என அவர் விளக்கியார்.
அவர் மக்கள் பிரதிநிதியாக கடமைப்படுத்தப்பட்டதை மீறி அதிகாரிகள் நடந்தால் எதிர்காலத்தில் நிலைமை பாதிக்கப்படும் எனவும், தேவையான தகவலை பெறாமல் விழாவில் ஏற்படும் சிக்கல்களுக்கு அவர் முன்னதாக கவனம் செலுத்துவதாகவும் தெரிவித்தார்.
