ஆஸ்திரேலியாவுக்கு எதிரான ஒருநாள் தொடரை முடித்துள்ள இந்திய அணி, இப்போது டி20 தொடருக்கான தயாரிப்பில் ஈடுபட்டு வருகிறது. மூன்று போட்டிகள் கொண்ட இந்த டி20 தொடர் நாளை கேன்பெராவில் தொடங்குகிறது.
ஒருநாள் தொடரில் ஆஸ்திரேலியா 2-1 என்ற கணக்கில் வெற்றி பெற்று கோப்பையை கைப்பற்றிய நிலையில், இந்திய அணி இப்போது மீள்முயற்சியுடன் களமிறங்க உள்ளது.
இந்த டி20 தொடருக்கு சூர்யகுமார் யாதவ் கேப்டனாகவும், சுப்மன் கில் துணை கேப்டனாகவும் நியமிக்கப்பட்டுள்ளனர். முதல் போட்டி இந்திய நேரப்படி மதியம் 1.45 மணிக்கு தொடங்கும்.
போட்டிகளை ஸ்டார் ஸ்போர்ட்ஸ் நெட்வொர்க் சேனல்கள் நேரடியாக ஒளிபரப்புகின்றன. ரசிகர்கள் ஜியோ ஹாட்ஸ்டார் ஆப்பிலும் நேரலை காணலாம்.
இந்தியா அணியின் சாத்தியமான பிளேயிங் லெவன்:
சூர்யகுமார் யாதவ் (கேப்டன்), சுப்மன் கில் (துணை கேப்டன்), சஞ்சு சாம்சன், அபிஷேக் சர்மா, திலக் வர்மா, அக்சர் படேல், ஷிவம் துபே, அர்ஷ்தீப் சிங், ஹர்ஷித் ராணா, ஜஸ்பிரித் பும்ரா, குல்தீப் யாதவ் / வாஷிங்டன் சுந்தர்.
அணியின் அமைப்பில் இளம் வீரர்களுக்கு முக்கியத்துவம் அளிக்கப்பட்டுள்ளதால், இந்திய அணி தாக்குதல்மிகு விளையாட்டுடன் ஆஸ்திரேலியாவை எதிர்கொள்ளும் என எதிர்பார்க்கப்படுகிறது.