பூடான் நாட்டில் இருந்து சொகுசு வாகனங்களை முறைகேடாக இறக்குமதி செய்த சந்தேகத்தில், மலையாள நடிகர்கள் பிருத்விராஜ் மற்றும் துல்கர் சல்மான் வீட்டில் சுங்கத்துறை அதிகாரிகள் ரெய்டு நடத்தினர். ‘ஆபரேஷன் நும்கூர்’ என்ற பெயரில் நடைபெறும் இந்த ரெய்டு கேரளாவில் சுமார் 30 இடங்களில் ஒரேநேரம் நடந்தது.
பிருத்விராஜ் நடிப்பதோடு படங்களை தயாரிப்பதும் இயக்குவதிலும் ஈடுபட்டுள்ளார். அதேபோல், நடிகர் மம்முட்டியின் மகனான துல்கர் சல்மான் நடிப்பு மற்றும் பட தயாரிப்பில் செயல்படுகிறார். மலையாள சினிமா பல நடிகர்களும் வெளிநாட்டு சொகுசு வாகனங்களுக்கு பிரியம் காட்டுவதாக கூறப்படுகிறது.
சுங்கத்துறை தகவலின்படி, சிலர் பூடான் நாட்டில் விலை குறைந்த சொகுசு வாகனங்களை சட்டவிரோதமாக இந்தியாவிற்கு கடத்தி வருவதாக உள்ளனர். இதை தடுப்பதற்காக ‘ஆபரேஷன் நும்கூர்’ என்ற பெயரில் நாடு முழுவதும் சோதனைகள் நடத்தப்பட்டுள்ளன.
கேரளாவில் மட்டும் 30 இடங்களில் இந்த ரெய்டு நடைபெற்றது. இதில் பிருத்விராஜ், துல்கர் சல்மான் மற்றும் சில தொழிலதிபர்கள், கார் ஷோரூம்கள் ஆகிய இடங்களிலும் சோதனை நடத்தப்பட்டதாக கூறப்படுகிறது. அதிகாரிகள், இந்த வாகனங்கள் சட்டபூர்வமாக உள்ளதா, வரி முறையாக செலுத்தப்பட்டதா என சரிபார்த்து வருகின்றனர்.
உளவுத் தகவலின்படி, பூடானில் விலை குறைந்த சொகுசு வாகனங்களை இந்தியாவில் சட்டப்படி பதிவு செய்யாமலே திரைப்பட நட்சத்திரங்கள் மற்றும் தொழிலதிபர்கள் அதிக விலையில் வாங்கியதாகவும், இதன் மூலம் அதிக அளவில் வரி ஏய்ப்பு நடந்ததாகவும் தெரிவிக்கப்பட்டுள்ளது.
