தமிழ்நாடு, கேரளம், மேற்கு வங்கம், குஜராத் உள்ளிட்ட 12 மாநிலங்களில், வாக்காளர் பட்டியல் சிறப்பு தீவிர திருத்தம் செய்யும் பணிகள், இன்று தொடங்கி இருக்கிறது. மொத்தம் 51 கோடி வாக்காளர்களை உள்ளடக்கி, இந்த பணிகள் மேற்கொள்ளப்படுகிறது.
தமிழ்நாட்டில் மொத்தம் 6 கோடியே 41 லட்சம் வாக்காளர்கள் உள்ளனர். 70 ஆயிரம் வாக்குச் சாவடிகள் உள்ளன. இன்று முதல் டிசம்பர் 4-ந்தேதி வரை, வாக்குச்சாவடி நிலை அலுவலர்கள் வீடு வீடாக சென்று, வாக்காளரின் பெயர் மற்றும் முகவரியை பதிவு செய்வார். அவர் 2 படிவங்களை கொடுப்பார்.
அதனை வாக்காளர் பூர்த்தி செய்து கொடுக்க வேண்டும். தேவைப்பட்டால் அந்த படிவத்தில், தற்போதைய புகைப்படத்தையும் ஒட்டிக் கொடுக்கலாம். திருச்சி மாவட்டத்தில் 9 சட்டமன்ற தொகுதிகளிலும், இந்த பணிகள் துவங்கி இருக்கிறது.