சென்னை: ஆயுதப்படை பிரிவில் 12வது பட்டாலியன் கமாண்டன்டாக பணியாற்றி வந்த அருண் திடீரென தனது பதவியை ராஜினாமா செய்ய முடிவு செய்துள்ளார். இந்த ராஜினாமா கடிதத்தை ஆயுதப்படை ஏடிஜிபி ஜெயராமுக்கு எழுதி அனுப்பியுள்ளார்.
இந்த கடிதம், டிஜிபி சங்கர் ஜிவால் மூலம் உள்துறைக்கு அனுப்பப்பட்டு, தமிழக அரசு அதை ஏற்றுக் கொண்டுள்ளது. அதன்பின், போலீஸ் துறையிலிருந்து விடுவிக்கப்பட்டதற்கான அதிகாரப்பூர்வ கடிதம் அருண் அவருக்கு வழங்கப்பட்டுள்ளது.
அருண் மதுராந்தகத்தைச் சேர்ந்தவர். 2013 ஆம் ஆண்டு குரூப் 1 தேர்வில் வெற்றி பெற்றதன் மூலம் டிஎஸ்பி பதவியில் சேர்ந்தார். 2024 ஆம் ஆண்டில் எஸ்பி பதவி உயர்வு பெற்றார்.
இந்த திடீர் ராஜினாமா ஆயுதப்படை மற்றும் போலீஸ் துறையில் பரபரப்பை ஏற்படுத்தியுள்ளது. மேலும், இதன் பின்னணி மற்றும் காரணங்கள் குறித்து அதிகாரிகள் விசாரணை நடத்தி வருகின்றனர்.
