தமிழ் திரையுலகில் ‘வழி’, ‘ஒணாயும் ஆட்டுக்குட்டியும்’ உள்ளிட்ட படங்களில் நடித்திருக்கும் நடிகர் ஸ்ரீ, கடந்த சில நாட்களாக மருத்துவக் கண்காணிப்பில் இருப்பதாகத் தகவல்கள் வெளியாகியிருந்தது. இதையடுத்து சமூக வலைதளங்களில் பலவிதமான வதந்திகள் பரவத் தொடங்கின.
இந்த சூழ்நிலையில், நடிகர் ஸ்ரீயின் குடும்பத்தினர் ஒரு அதிகாரப்பூர்வ அறிக்கையை வெளியிட்டுள்ளனர். அதில், “ஸ்ரீ தற்போது மருத்துவக் கண்காணிப்பில் உள்ளார். அவர் நலமாக இருக்கிறார், விரைவில் முழுமையாகக் குணமடைந்து வீடு திரும்புவார். சமூக வலைதளங்களில் பரவும் தவறான தகவல்களை நம்ப வேண்டாம்” என கேட்டுள்ளனர்.
இந்த அறிக்கை மூலம் ஸ்ரீ பற்றி பரவும் வதந்திகளுக்கு முற்றுப்புள்ளி வைக்கப்பட்டுள்ளது. அவரது ரசிகர்கள் தற்போது சமூக வலைதளங்களில் அவருக்காக நல வாழ்த்துக்களை பகிர்ந்து வருகின்றனர்.
