ஜனநாயகன் படம் குறித்து தயாரிப்பு நிறுவனம் ஒரு முக்கிய அப்டேட்டை அளித்துள்ளது.
‘தி கோட்’ படத்துக்கு பின்னர் நடிகர் விஜய் தனது கடைசி திரைப்படமாக ‘ஜனநாயகன்’ என்ற படத்தில் நடித்து வருகிறார். எச்.வினோத் இயக்கும் இந்த படத்தில் அவருக்கு ஜோடியாக பூஜா ஹெக்டே இடம்பெற்றுள்ளார். வில்லனாக கடந்த சில படங்களில் மிரட்டலான நடிப்பை வெளிப்படுத்திவரும் பாபி தியோல், ‘ஜனநாயகன்’ படத்தில் வில்லனாக நடித்து வருகிறார்.
இதனிடையே, சமீபத்தில் வெளியாகி மிகப் பெரும் வரவேற்பை பெற்ற ‘அனிமல்’ படத்தில் வில்லனாக நடித்த பாபி தியோலின் நடிப்பு அதிகம் பேசப்பட்டது. முன்னதாக ‘தளபதி 69’ என்று அழைக்கப்பட்டு வந்த எச்.வினோத் இயக்கும் திரைப்படம், கடந்த குடியரசு தினத்தன்று டைட்டில் ‘ஜனநாயகன்’ என அறிவிக்கப்பட்டது. இந்த படத்துக்கு அனிருத் இசையமைத்து வருகிறார். மேலும் மமிதா பைஜூ, பிரகாஷ்ராஜ், கெளதம் மேனன் உள்ளிட்டோரும் ‘ஜனநாயகன்’ படத்தில் இடம்பெற்றுள்ளனர். இந்த படத்தை கேவிஎன் புரோடக்ஷ்ன் தயாரிக்கிறது.
