சிட்னி : இந்தியா மற்றும் ஆஸ்திரேலியா அணிகளுக்கிடையேயான மூன்றாவது ஒருநாள் கிரிக்கெட் போட்டி இன்று சிட்னியில் நடைபெற்று வருகிறது.
சுப்மன் கில் தலைமையிலான இந்திய அணி இந்த ஆஸ்திரேலியா சுற்றுப்பயணத்தில் மூன்று ஒருநாள் போட்டிகளிலும், சூர்யகுமார் யாதவ் தலைமையில் ஐந்து டி20 போட்டிகளிலும் பங்கேற்கிறது.
ஏற்கனவே பெர்த் மற்றும் அடிலெய்டு மைதானங்களில் நடைபெற்ற முதலிரண்டு போட்டிகளிலும் ஆஸ்திரேலியா வெற்றி பெற்று ஒருநாள் தொடரை கைப்பற்றியுள்ளது. பவுலிங் துறையில் குல்தீப் யாதவ், பிரசித் கிருஷ்ணா ஆகியோர் இடம்பெறாததே தோல்விக்குக் காரணம் என விமர்சனங்கள் எழுந்தன.
அந்த எதிர்ப்பார்ப்புக்கு இணங்க, இன்று நடைபெறும் கடைசி போட்டியில் குல்தீப் யாதவ் மற்றும் பிரசித் கிருஷ்ணா இருவரும் அணியில் இடம்பிடித்துள்ளனர். டாஸ் வென்ற ஆஸ்திரேலியா கேப்டன் மிட்செல் மார்ஷ் முதலில் பேட்டிங்கைத் தேர்வு செய்துள்ளார்.
இந்திய அணியில் இரண்டு மாற்றங்கள் செய்யப்பட்டுள்ளன — அர்ஸ்தீப் சிங்குக்கு பதிலாக குல்தீப் யாதவ், நிதிஷ் குமார் ரெட்டிக்கு பதிலாக பிரசித் கிருஷ்ணா சேர்க்கப்பட்டுள்ளனர்.
3வது ஒருநாள் இந்திய அணி :
ரோகித் சர்மா, சுப்மன் கில் (கேப்டன்), விராட் கோலி, ஸ்ரேயாஸ் ஐயர் (துணை கேப்டன்), கே.எல். ராகுல் (விக்கெட் கீப்பர்), அக்சர் பட்டேல், ஹர்சித் ராணா, வாஷிங்டன் சுந்தர், முகமது சிராஜ், குல்தீப் யாதவ், பிரசித் கிருஷ்ணா.
இன்றைய போட்டியில் இந்தியா வெற்றி பெற்று தொடரை 2–1 என முடிக்குமா என ரசிகர்கள் ஆவலுடன் காத்திருக்கின்றனர்.
