Today Headlines | தலைப்புச் செய்திகள் - 20 SEP 2025

Today Headlines | தலைப்புச் செய்திகள் – 20 SEP 2025 | Retro tamil

ஒரு மோதலை விரைவில் எப்படி முடிவுக்கு கொண்டு வருவது என்பது குறித்து உலக நாடுகள் இந்தியாவிடம் பாடம் கற்க வேண்டும், என விமானப்படை தளபதி ஏபி சிங் கூறியுள்ளார்.
ஜிஎஸ்டி சீரமைப்பு மூலம் மக்களின் கைகளில் ரூ.2 லட்சம் கோடி இருக்கும், என மத்திய நிதியமைச்சர் நிர்மலா சீதாராமன் பேசினார்.
டில்லி பல்கலை. மாணவர் சங்க தேர்தலில் ஏபிவிபி பெற்ற வெற்றியானது, தேசமே முதன்மையானது என இளைஞர்கள் கொண்டிருக்கும் நம்பிக்கையின் பிரதிபலிப்பு என்று உள்துறை அமைச்சர் அமித் ஷா கூறி உள்ளார்.
பயங்கரவாதிகளுக்கும், பாகிஸ்தான் அரசு மற்றும் ராணுவத்துக்கும் உள்ள தொடர்பை உலகம் அறியும். ஆப்பரேஷன் சிந்துாரில் ஏற்பட்ட பாதிப்புகள் குறித்து ஜெய்ஷ் இ முகமது பயங்கரவாதி வெளியிட்ட வீடியோ அதனை தெளிவுபடுத்துகிறது, என மத்திய வெளியுறவுத்துறை தெரிவித்துள்ளது.
விண்வெளி ஆய்வை பொறுத்தவரை இது நமக்கு ஒரு பொற்காலம் என்று இந்திய விண்வெளி வீரர் சுபான்ஷூ சுக்லா தெரிவித்தார்.
தேர்தலில் போட்டியிடாத, தேர்தல் கணக்கை தாக்கல் செய்யாத 474 அரசியல் கட்சிகளின் அங்கீகாரத்தை தேர்தல் ஆணையம் ரத்து செய்துள்ளது. இதில் தமிழகத்தைச் சேர்ந்த 42 அரசியல் கட்சிகளும் அடங்கும்.
தவெக தொண்டர்கள் என்னை பின் தொடர வேண்டாம், மக்கள் சந்திப்பு நிகழ்ச்சியின் போது மரம் ஏற வேண்டாம் என்று தவெக தலைவர் நடிகர் விஜய் அறிவுறுத்தி உள்ளார்.
பிரதமரின் அதிகாரப்பூர்வ இல்லத்தில் மோடி, பிரிட்டன் மன்னர் சார்லஸ் பிறந்த நாள் பரிசாக அளித்த மரக்கன்றை நடும் வீடியோ சமூக ஊடகங்களில் வைரலாகினது.
ஆப்பரேஷன் சிந்தூர் நடவடிக்கையின் போது இந்தியா நமது நாட்டின் வலிமையை பதிலடி மூலம் எதிரிக்கு காட்டியது என பாதுகாப்பு துறை அமைச்சர் ராஜ்நாத் சிங் தெரிவித்தார்.
இந்தியாவின் ஜனநாயகத்தை ராகுல் துஷ்பிரயோகம் செய்கிறார். அவரை நாட்டு மக்கள் நம்பமாட்டார்கள் என பார்லிமென்ட் விவகாரத்துறை அமைச்சர் கிரண் ரிஜிஜூ தெரிவித்தார்.

No Result