Today Headlines | தலைப்புச் செய்திகள் - 04 SEP 2025

Today Headlines | தலைப்புச் செய்திகள் – 04 SEP 2025 | Retro tamil

வரிவிதிப்பு விவகாரத்தில் அமெரிக்க நீதிமன்றம் அளித்த தீர்ப்பை எதிர்த்து அந்நாட்டு சுப்ரீம் கோர்ட்டில் அதிபர் டிரம்ப் மேல்முறையீடு செய்துள்ளார்.
பயங்கரவாதத்திற்கு எதிராக ஒன்றிணைந்து போராடுவது அனைத்து நாடுகளின் மனிதாபிமான கடமை என்று நாங்கள் நம்புகிறோம் என சிங்கப்பூர் பிரதமர் லாரன்ஸ் வோங் உடனான சந்திப்புக்கு பிறகு பிரதமர் மோடி தெரிவித்தார்.
விஜயவாடாவில் இருந்து பெங்களூருக்கு புறப்பட்ட ஏர் இந்தியா எக்ஸ்பிரஸ் விமானத்தில் பறவை மோதிய சம்பவத்தை தொடர்ந்து ரத்து செய்யப்பட்டதால் பயணிகள் கடும் அவதி அடைந்தனர்.
தமிழகத்தில் வரும் செப்டம்பர் 8, 9ம் தேதிகளில் கனமழை பெய்ய வாய்ப்புள்ளது என சென்னை வானிலை மையம் தெரிவித்துள்ளது.
சிறந்த ஒட்டுமொத்த கல்வி நிறுவனங்களுக்கான தரவரிசைப்பட்டியலில் சென்னை ஐஐடி முதலிடம் பிடித்துள்ளது. அதேபோல, சிறந்த பல்கலைக்கழகத்திற்கான பட்டியலில் கோவையைச் சேர்ந்த அமிர்தா விஷ்வா வித்யபீதம் 8வது இடத்தை பிடித்துள்ளது.
சென்னையில் பல்வேறு தொழிலதிபர் வீடுகளில் வருமான வரித்துறை அதிகாரிகள் சோதனை நடத்தினர். வரி ஏய்ப்பு புகாரின் பேரில் சோதனை நடக்கிறது.
ஆன்லைன் சூதாட்ட செயலியுடன் தொடர்புடைய பணமோசடி வழக்கில் விசாரணைக்கு ஆஜராகுமாறு இந்திய கிரிக்கெட் அணியின் முன்னாள் வீரர் ஷிகர் தவானுக்கு அமலாக்கத்துறை சம்மன் அனுப்பியுள்ளது.
அதிமுக பொதுச்செயலாளர் இபிஎஸ்க்கு எங்கள் மீது உள்ள கரிசனத்திற்கு நன்றியையும் தெரிவித்து கொள்கிறேன் என விடுதலை சிறுத்தைக் கட்சி தலைவர் திருமாவளவன் தெரிவித்தார்.
சென்னையில் இன்று ஆபரணத் தங்கத்தின் விலை ரூ.80 குறைந்துள்ளது. கடந்த ஒரு வாரத்தில் மட்டும் ரூ.3,120 அதிகரித்திருந்தது.
வரலாற்று சிறப்பு மிக்க ஜிஎஸ்டி சீர்திருத்தம் செய்த பிரதமர் மோடிக்கு நன்றி. ஜிஎஸ்டி வரி குறைப்பு மோடி அரசின் தீபாவளி பரிசு என தமிழக பாஜ தலைவர் நயினார் நாகேந்திரன் தெரிவித்தார்.

No Result