Today Headlines | தலைப்புச் செய்திகள் - 13 August 2025

Today Headlines | தலைப்புச் செய்திகள் – 13 August 2025 | Retro tamil

ஆயுள் தண்டனை கைதிகள், நிர்ணயிக்கப்பட்ட ஆண்டுகள் வரை தண்டனையை அனுபவித்துவிட்டால், அவர்களை உடனடியாக விடுதலை செய்ய வேண்டும்’ என, உச்ச நீதிமன்றம் முக்கியத்துவம் வாய்ந்த உத்தரவை பிறப்பித்துள்ளது.
சி.பி.எஸ்.இ., பாடத்திட்டத்தில் இருந்த, ‘முத்தலாக்’ உள்ளிட்ட பழைய சட்டங்களை நீக்கிவிட்டு, புதிய கிரிமினல் சட்டங்கள் தொடர்பான பாடங்கள், வரும் 2026 – 27 கல்வியாண்டு முதல் அறிமுகப்படுத்தப்பட உள்ளன.
பாகிஸ்தான் ராணுவ தளபதி, அந்நாட்டின் முன்னாள் வெளியுறவு அமைச்சர் பிலவல் புட்டோ ஆகியோர் சிந்து நதிநீர் ஒப்பந்தம் தொடர்பாக போர் மிரட்டல் விடுத்த நிலையில், அந்நாட்டின் வெளியுறவு அமைச்சகம் சிந்து, ஜீலம், செனாப் நதிகளில் இருந்து நீரை வழங்கும்படி கோரிக்கை விடுத்துள்ளது.
அமெரிக்காவின் தலைநகர் வாஷிங்டனில் போலீஸ் துறை மாகாண அரசின் கட்டுப்பாட்டில் இருந்த நிலையில், குற்றங்கள் அதிகரித்ததாக கூறி அத்துறையை தன் கட்டுப்பாட்டின் கீழ் கொண்டு வரும் உத்தரவில் அதிபர் டொனால்டு டிரம்ப் நேற்று கையெழுத்திட்டார்.
இந்தியாவில் முதல் பல்நோக்கு செயற்கைக் கோள்களை உருவாக்கி ஏவுவதற்கு, தனியார் விண்வெளி நிறுவனங்களுக்கு இன்-ஸ்பேஸ் ஒப்புதல் அளித்துள்ளது.
புதிய வருமான வரி மசோதாவில் புதியதாக எந்த வரியும் விதிக்கப்படவில்லை, என ராஜ்யசபாவில் மத்திய நிதியமைச்சர் நிர்மலா சீதாராமன் கூறியுள்ளார். இதன் பிறகு, இந்த மசோதா ராஜ்யசபாவில் நிறைவேற்றப்பட்டது.
சபரிமலை ஐயப்பன் கோவிலுக்கு, தங்கள் நாட்டு பக்தர்கள் செல்வதை புனித யாத்திரையாக அங்கீகரிக்க இலங்கை அரசு முடிவு செய்துள்ளது.
யாரும் , யாருக்கும் அடிமையில்லை என இபிஎஸ்க்கு சொல்லிக் கொள்ள விரும்புகிறேன்,என முதல்வர் ஸ்டாலின் கூறியுள்ளார்.
‘உயர்ந்த இலக்கை அடையுங்கள், பெரிய கனவு காணுங்கள், நினைவில் கொள்ளுங்கள்’ என வானியல் ஒலிம்பியாட் விழாவில், இளைஞர்களுக்கு பிரதமர் மோடி அறிவுரை வழங்கி உள்ளார்.
அன்புமணி நடத்திய பொதுக்குழு செல்லாது. அவரை கட்சியில் இருந்து நீக்க அல்லது சஸ்பெண்ட் செய்ய குழு அமைக்கப்பட்டு உள்ளது , என தேர்தல் கமிஷனுக்கு பாமக நிறுவனர் ராமதாஸ் தரப்பில் கடிதம் எழுதப்பட்டு உள்ளது.

No Result