உலகின் நம்பர் 1 பிரீமியம் பிராண்டான கேடிஎம், தனது 160 ட்யூக் மாடலை விளம்பரப்படுத்தவும், அதன் வேகத்தையும் கட்டுப்பாட்டையும் ரைடிங் ஆர்வலர்களுக்கு உணர்த்தவும் இந்தியா முழுவதும் 40-க்கும் மேற்பட்ட நகரங்களில் ‘ஆரஞ்ச் எக்ஸ்பி160’ நிகழ்வை நடத்தி வருகிறது. புனேவில் தொடங்கப்பட்ட இந்தத் தொடர் ஓட்டம், தற்போது தமிழகத்தின் சேலம் நகரத்திற்கு வருகை தந்துள்ளதால் ரைடர்களிடையே பெரும் எதிர்பார்ப்பு எழுந்துள்ளது.
நிபுணர்களின் வழிகாட்டுதலில் ரைடிங்: சாதாரணச் சாலைகளில் டெஸ்ட் ரைட் செய்வதைப் போலன்றி, பாதுகாப்பான ‘கோ-கார்ட்’ (Go-kart) டிராக்குகளில் கேடிஎம் நிபுணர்களின் நேரடி வழிகாட்டுதலுடன் இந்தச் சவாரி நடைபெறுகிறது. இதில் பங்கேற்பாளர்களுக்கு பின்வரும் நுணுக்கங்கள் கற்றுக் கொடுக்கப்படுகின்றன:
கார்னரிங் (Cornering): வளைவுகளில் லாவகமாகத் திரும்புவது எப்படி?பிரேக்கிங் (Braking): அவசரக் காலங்களில் பாதுகாப்பான வேகக் கட்டுப்பாடு. த்ரோட்டில் கட்டுப்பாடு: இன்ஜினின் திறனைச் சரியான முறையில் பயன்படுத்துதல்.
கேடிஎம் 160 ட்யூக் – தொழில்நுட்பச் சிறப்புகள்: இந்த பைக் 164.2 சிசி திரவ-குளிரூட்டப்பட்ட (Liquid-cooled) இன்ஜினைக் கொண்டுள்ளது. இது 19 PS பவர் மற்றும் 15.5 Nm டார்க்கை வெளிப்படுத்தி, ரேசிங் அனுபவத்தை வழங்குகிறது. இது குறித்து பஜாஜ் ஆட்டோ நிறுவனத்தின் புரோ-பைக்கிங் தலைவர் மாணிக் நங்கியா கூறுகையில், “இந்தியாவின் அடுத்த தலைமுறை ரைடர்களுக்கு கேடிஎம்-ன் உண்மையான செயல்திறனை நேரடியாகக் கொண்டு செல்வதே இந்த ஆரஞ்ச் எக்ஸ்பி160-ன் நோக்கம்” எனத் தெரிவித்தார். ரேசிங் ஆர்வலர்கள் மற்றும் புதிய பைக் வாங்கத் திட்டமிட்டுள்ள இளைஞர்களுக்கு, ட்யூக் 160-ன் ஆற்றலை ஒரு நிபுணரைப் போல டிராக்கில் ஓட்டிப் பார்க்க இது ஒரு அரிய வாய்ப்பாகும்.
