சூர்யா நடித்துவரும் ‘சூர்யா 46’ படத்தின் படப்பிடிப்பு 50 சதவீதம் நிறைவடைந்துள்ளதாக தயாரிப்பாளர் நாக வம்சி தெரிவித்துள்ளார்.
வெங்கி அட்லுரி இயக்கத்தில் உருவாகும் இந்த படம் உணர்வுகளுக்குப் பெருமை அளிக்கும் குடும்ப கதை எனவும், அதில் “கஜினி” படத்தில் சூர்யா நடித்த சஞ்சய் ராமசாமி கதாபாத்திரத்தின் சாயல் காணப்படும்* என்றும் அவர் கூறியுள்ளார்.
நாக வம்சி தயாரிப்பில் வெளியாகவுள்ள ‘மாஸ் ஜாதரா’ படத்தின் புரமோஷன் நிகழ்வில் பேசும் போதே, ‘சூர்யா 46’ குறித்து அவர் முக்கிய தகவல்களை பகிர்ந்தார். “சூர்யா சாரின் படம் 50 சதவீதம் முடிந்துவிட்டது. இது Pan Indian படம் இல்லை. ஆனால், நாங்கள் ரிஷப் ஷெட்டி நடித்த ஒரு Pan India படத்தை தயாரித்து வருகிறோம்,” என அவர் கூறினார்.
‘சூர்யா 46’ படத்தில் சூர்யாவுடன் மமிதா பைஜூ, பவானி ஸ்ரீ, ராதிகா சரத்குமார் மற்றும் பாலிவுட் நடிகை ரவீனா டாண்டன் முக்கிய கதாபாத்திரங்களில் நடித்துள்ளனர். குறிப்பாக, ‘ஆளவந்தான்’ (2001) படத்திற்குப் பிறகு 24 ஆண்டுகள் கழித்து ரவீனா டாண்டன் தமிழ் திரைக்கு திரும்புகிறார் என்பது சிறப்பாகும்.
சூர்யா கடைசியாக நடித்த ‘கங்குவா’ வெளியானது குறிப்பிடத்தக்கது. தற்போது அவர் ஆர்.ஜே. பாலாஜி இயக்கும் ‘கருப்பு’ மற்றும் வெங்கி அட்லுரி இயக்கும் ‘சூர்யா 46’ ஆகிய இரு படங்களிலும் நடித்து வருகிறார். ‘கருப்பு’ படத்தின் மூன்றில் நான்காம் பங்கு படப்பிடிப்பு ஏற்கனவே முடிந்துள்ளதாக தகவல் வெளியாகியுள்ளது.
