பீஹாரில் ரூ.7,200 கோடி மதிப்பிலான வளர்ச்சித் திட்டங்களுக்கு அடிக்கல் நாட்டும் நிகழ்ச்சியில் கலந்துகொண்ட பிரதமர் நரேந்திர மோடி, காங்கிரஸ் மற்றும் ஆர்.ஜே.டி. கட்சிகளை கடுமையாக விமர்சித்தார். “தலித், பழங்குடி மற்றும் பிற்படுத்தப்பட்ட மக்களின் பெயரை வைத்து அரசியல் செய்கிறார்கள்” என அவர் குற்றம்சாட்டினார்.
பீஹார் மாநிலத்தின் தலைநகர் பாட்னாவில் நடைபெற்ற விழாவில், பிரதமர் மோடி பல்வேறு நலத்திட்டங்களை தொடங்கி வைத்தார். இதில் அம்ருத் பாரத் ரயில் சேவைகள் உள்ளிட்ட திட்டங்கள் இடம்பெற்றன. பாட்னாவில் இருந்து டெல்லி, மோதிஹரி – டெல்லி, தர்பாங்கா – லக்னோ மற்றும் மால்டா – லக்னோ இடையிலான ரயில் சேவைகள் புதியதாக தொடங்கப்பட்டன.
விழாவில் பங்கேற்ற பிரதமர் மோடி தனது உரையில், “காங்கிரஸ், ஆர்.ஜே.டி. போன்ற கட்சிகள், பல ஆண்டுகளாக தலித், பழங்குடி மற்றும் பிற்படுத்தப்பட்ட மக்களின் பெயரை மட்டும் அரசியல் கருவியாக பயன்படுத்தி வருகின்றன. அவர்களுக்கான உண்மையான நலத்திட்டங்களை செயல்படுத்த தவறிவிட்டுள்ளனர். சமத்துவத்தை வழங்காததோடு, தனக்கேற்பட்ட குடும்ப உறுப்பினருக்கு மட்டுமே மரியாதை அளிக்கிறார்கள்” என்று விமர்சித்தார்.
என.டி.ஏ. அரசின் நோக்கம், ஒவ்வொரு பிற்படுத்தப்பட்ட சமூகத்தினரையும் முன்னிலைப்படுத்துவதாகும் என்றும், “பீஹாரில் புறக்கணிக்கப்பட்ட கிராமங்களை நாங்கள் முன்னேற்றம் செய்துள்ளோம். இன்று அவை நாட்டின் முன்னணி கிராமங்களாக மாறியுள்ளன” என்றும் அவர் தெரிவித்தார்.
மேலும், ‘பிரதான் மந்திரி தன் தான்யா க்ருஷி யோஜனா’ எனப்படும் திட்டம் மூலமாக பீஹார் விவசாயிகள் பயன்பெற இருப்பதாக கூறினார். “இந்தத் திட்டத்தின் கீழ், குறைந்த வருமானம் கொண்ட 100 மாவட்டங்களுக்கு முன்னுரிமை அளிக்கப்படும். இதன்மூலம் பீஹாரில் உள்ள 1.75 கோடி விவசாயிகள் நேரடியாக பயன்பெறுவர்” என்றார்.
இதற்கு முந்தைய நிகழ்ச்சியாக, பிரதமர் மோடி பங்கேற்ற சாலை ஊர்வலத்தில் ஆயிரக்கணக்கான பாஜக தொண்டர்கள் மலர்தூவி வரவேற்றனர். அவருடன், முதல்வர் நிதிஷ்குமார், துணை முதல்வர்கள் சாம்ராத் சவுத்ரி மற்றும் விஜய் சின்ஹா உள்ளிட்டோர் இருந்தனர்.
நிகழ்ச்சியில் பேசிய பீஹார் முதல்வர் நிதிஷ்குமார், “2018ம் ஆண்டு மின்சார கட்டண திட்டத்தை எளிமைப்படுத்திய பிறகு, இன்று மாநிலத்தின் அனைத்து குடும்பங்களுக்கும் இலவச மின்சாரம் வழங்கப்படுகிறது. ரூ.50,000 கோடி மதிப்பில் 430 புதிய திட்டங்கள் செயல்படுத்தப்பட்டுள்ளன. 2025 பிப்ரவரி பட்ஜெட்டில் மகாகனா வாரியம், விமான நிலைய திறப்பு மற்றும் மேற்கு கோசி நதிக்கான நிதி ஒதுக்கீடு உள்ளிட்ட அறிவிப்புகள் வெளியிடப்பட்டுள்ளன” என்று தெரிவித்தார்.
