சென்னை: பீஹார் சட்டசபை தேர்தல் முடிவுகள் அரசியல் சூழலில் அனைவருக்கும் ஒரு முக்கியப் பாடமாக உள்ளதாக தமிழக முதல்வர் மு.க. ஸ்டாலின் தெரிவித்துள்ளார்.
பீஹாரில் நடைபெற்ற சட்டசபை தேர்தலில் 243 இடங்களில் 200-க்கும் மேற்பட்ட தொகுதிகளை தேசிய ஜனநாயக கூட்டணி வெற்றி பெற்றது. இவ்வாறு பெரும்பான்மையைப் பெற்று ஆட்சியை தொடரும் நிலையில், நிதிஷ் குமாருக்கு அவர் வாழ்த்து தெரிவித்துள்ளார்.
வெற்றிக்குப் பிந்தைய தனது அறிக்கையில், “பீஹார் மக்களின் நம்பிக்கையை நிறைவேற்ற நிதிஷ் குமார் தொடர்ந்து செயல்பட வேண்டும்” என ஸ்டாலின் கூறினார். மேலும் இளைஞர் தலைவர் தேஜஸ்வி யாதவின் தொடர்ச்சியான பிரசாரத்திற்கும் அவர் பாராட்டு தெரிவித்தார்.
அதே நேரத்தில், தேர்தல் கமிஷனின் செயல்பாடுகள் குறித்து கடுமையாக விமர்சித்த ஸ்டாலின், “இந்தத் தேர்தல் முடிவுகள் கமிஷனின் செயல்திறன் எவ்வளவு பாதிக்கப்பட்டுள்ளது என்பதை வெளிக்காட்டுகின்றன” என்று கூறினார். இந்திய தேர்தல் கமிஷனின் நம்பகத்தன்மை குறைந்து வருவது கவலையளிப்பதாகவும் அவர் பதிவு செய்தார்.
