“திமுகவுக்கு கடுமையான சவால் உருவாகும்” – மாநில செயலாளர் சண்முகம் பேட்டி
2026 சட்டசபைத் தேர்தலை முன்னிட்டு தமிழக அரசியலில் புதிய கூட்டணிகள் மற்றும் அரசியல் வரிசைகள் உருவாகும் சூழ்நிலையில், நடிகர் விஜய் அ.தி.மு.க. தலைமையிலான கூட்டணியில் சேர்ந்தால், தேர்தல் மிகவும் கடுமையானதாக மாறும் என மார்க்சிஸ்ட் மாநில செயலாளர் பெ. சண்முகம் தெரிவித்துள்ளார்.
ஒரு ஆங்கில நாளிதழ் செய்தியாளருக்கு அளித்த பேட்டியில், அவர் கூறியதாவது :
“2026 தேர்தலில் எங்களின் (திமுக கூட்டணி) வெற்றி மற்ற கட்சிகளின் நிலைப்பாட்டை பொறுத்தது. நடிகர் விஜய் தேர்தலுக்கு என்ன திட்டம் வகுக்கிறார் என்பதும் முக்கியம். அவருக்கு ஆதரவு தெரிவிக்கும் மக்கள் தேர்தலில் வாக்களிப்பார்களா இல்லையா என்பது ஒரு கேள்விக்குறி.”
அதிமுக, பாஜக, பாமக கூட்டணியில் பாமக இடம் பெற்றாலும், அது திமுகவுக்கு பெரிய சவாலாக இருக்காது என அவர் தெரிவித்தார். ஆனால், “அதிமுக தலைமையிலான கூட்டணியில் நடிகர் விஜய் இணைந்தால், அது மிகவும் கடுமையான தேர்தல் போட்டியை உருவாக்கும்” என்றும் அவர் கூறினார்.
மார்க்சிஸ்ட் கட்சியின் நிலைப்பாடு
தற்போதைய அரசியல் சூழ்நிலையில் திமுகவின் மதசார்பற்ற நிலைப்பாடு முக்கியமானது என்று சண்முகம் தெரிவித்தார். மாநில உரிமைகளுக்காக முதலமைச்சர் மு.க. ஸ்டாலின் எடுக்கும் நடவடிக்கைகளில் தங்களைப் போலி இடதுசாரி கட்சிகள் துணை நிற்கின்றன என்றும் கூறினார்.
தொகுதி எண்ணிக்கையை அதிகரிக்க திட்டம்
“கடந்த தேர்தலில் நாங்கள் 6 தொகுதிகளில் போட்டியிட்டோம். இந்த முறை அதைவிட அதிக தொகுதிகளில் களமிறங்க விரும்புகிறோம்” எனவும், “திமுக தலைமையிலான கூட்டணியில் நாங்கள் தொடர விருப்பம் உள்ளோம்” என்றும் அவர் கூறினார்.
காவல் துறை, தொழிற்சங்க உரிமை குறித்து கண்டனம்
திமுக ஆட்சி பொறுப்பேற்ற பிறகு மாநிலத்தில் 24 என்கவுன்ட்டர்கள் நடைபெற்றுள்ளன. “காவல் துறையில் சீர்திருத்தம் தற்போது மிகவும் தேவை. காவல் விசாரணையின் போது உயிரிழக்கின்ற சம்பவங்களுக்கு, திமுக தேர்தலில் பதில் சொல்ல வேண்டியிருக்கும்” என சண்முகம் கண்டனம் தெரிவித்தார்.
சாம்சங் தொழிற்சாலையில் தொழிலாளர்களுக்கான சங்க உரிமை தொடர்பான விவகாரத்தையும் சுட்டிக்காட்டிய அவர், “ஒரு தொழிற்சங்கம் அமைக்க, சென்னை ஐகோர்ட்டில் மத்தியிலேயே போராட வேண்டிய நிலை ஏற்பட்டது என்பது தமிழகத்தில் தொழிலாளர் உரிமைகளின் நிலைமையை சுட்டிக்காட்டுகிறது” என்றார்.
“ஸ்டாலின் இன்னும் செய்ய வேண்டியது அதிகம்”
“கருணாநிதி மற்றும் ஸ்டாலின் ஆட்சியை ஒப்பிட முடியாது. ஸ்டாலின் இன்னும் பல செய்ய முடியும். ஆனால், திமுக வாக்குறுதியில் இல்லாதவைகளையும் நிறைவேற்றியிருக்கிறது என்பதும் உண்மை” என்று சண்முகம் முடிவில் குறிப்பிட்டார்.
