தி ஹேக் : நேட்டோ உறுப்புநாடுகளுக்கு ரஷ்யா ஒரு முக்கியமான அச்சுறுத்தலாக உள்ளது என்று அமெரிக்க அதிபர் டொனால்டு டிரம்ப் தெரிவித்துள்ளார்.
நெதர்லாந்தின் தி ஹேக் நகரில் நடைபெற்ற நேட்டோ அமைப்பின் ஆலோசனைக் கூட்டத்தில் கலந்து கொண்ட அவர், உக்ரைன் போருக்கு பிறகு ரஷ்ய அதிபர் புடின் மற்ற நாடுகளையும் ஆக்கிரமிக்க திட்டமிட்டிருப்பது போலவே தெரிகிறது என்றார்.
ரஷ்யா, நேட்டோவுக்கு நீண்டகாலமாக அமைந்த பெரிய அச்சுறுத்தல்களில் ஒன்றாக உள்ளது. புடின் தவறான வழியில் அழைத்துச் செல்லப்படுகிறார்.
இந்த போரை நிறுத்த இது சரியான தருணம். உக்ரைனுக்கு மேலதிக ஆயுத உதவி வழங்குவது குறித்து பின்னர் முடிவு எடுக்கப்படும். நான் புடினுடன் நேரடியாக பேசி ஒரு தீர்வை எட்ட முயற்சிப்பேன். இது எதிர்பார்த்ததைவிட சிக்கலான சூழ்நிலை, என்று டிரம்ப் தெரிவித்தார்.
