விஜய் சேதுபதி மற்றும் திரிஷா நடித்த ’96’ திரைப்படம் தமிழ் சினிமாவில் ரசிகர்கள் மனதில் நல்ல வரவேற்பை பெற்றது. தற்போது, இயக்குனர் பிரேம்குமார், இந்த திரைபடத்தின் இரண்டாவது பாகம் குறித்து வேலை செய்து வருவதாக அறிவித்திருந்தார்.
அண்மையில், பிரேம் குமார் இயக்கிய ‘மெய்யழகன்’ திரைப்படத்திற்கு விகடன் விருது விழாவில் விருது வழங்கப்பட்டது. இந்த விழாவில் மேடையில் பேசிய பிரபல ஒளிப்பதிவாளர் பி.சி.ஸ்ரீராம், பிரேம்குமார் குறித்து பெருமையாகவும், உணர்வோடும் கருத்து பகிர்ந்தார்.
“ஒரு பையன் ஸ்கிரிப்ட் கொடுத்தான். அதை படித்தவுடன் ஆடிப் போய்விட்டேன். அந்த ஸ்கிரிப்டிற்கு ‘ஹாப்பி மேன்’ என்று பெயர் வைத்திருக்கலாம். அது தான் மெய்யழகன். உண்மையான மெய்யழகன் பிரேம்குமார் தான்,” என அவர் கூறினார்.
மேலும், “அடுத்து பிரேம் இயக்கும் 96 பாகம் 2 படத்தில் நான் பணியாற்ற இருக்கிறேன்” என்றும் பி.சி.ஸ்ரீராம் உறுதி செய்தார்.
இதன் மூலம், ரசிகர்கள் மத்தியில் ஏற்கனவே எதிர்பார்ப்பு கிளப்பியுள்ள 96 பாகம் 2 படம், மேலும் கூடுதல் திருப்தியை வழங்கும் என்பதில் சந்தேகம் இல்லை.
